Bir túnde 300-den astam kólik qar qursaýynda qaldy
ASTANA. QazAqparat – Ótken túnde 300-den astam kólik júrgizýshisi jolaýshylarmen birge elimizdiń tasjoldarynda qar qursaýynda qalyp qoıdy, dep habarlaıdy QazAqparat tilshisi.
«QazAvtoJol» ulttyq kompanııasynyń málimetinshe, túni boıy jolshylar men polıtsııa qyzmetkerleri elimizdiń tasjoldarynda kezekshilik atqarǵan. Kún raıynyń qoldaısyzdyǵyna baılanysty respýblıkada 9 tas joly jabylyp, olarda shamamen 300 kólik qalǵan. Arasynda jolaýshylar mingen avtobýstar da bar.
«Abaı oblysynda jolshylar jergilikti polıtsııa qyzmetkerlerimen birge «Almaty-Óskemen» tasjolynan 100-den astam júk kóligi men 45 jolaýshysy bar 2 avtobýsty qar qursaýynan shyǵaryp alyp, dittegen jerine jetkizdi. Sonymen qatar, janarmaıy qatyp, jolda qalǵan júk kólikteriniń júrgizýshilerine de kómek kórsetti. Olar jyly arnaýly oryndarǵa jetkizildi», - dep atap ótedi kompanııadan.
