Bir top memqyzmetshi Alǵys hatpen marapattaldy - Aqmola oblysy
«Kókshetaý» mádenıet saraıynda ótkizilgen saltanatty shara shymyldyǵy memlekettik qyzmetke jańadan kelgen jastardyń ant qabyldaý rásimimen ashylyp, Aqmola oblysynyń ákimi Ermek Marjyqpaev quttyqtaý sóz sóıledi.
«Halyqtyq reformalardy júzege asyrý úshin sapaly bilimge ǵana emes, sonymen qatar jumys tájirıbesine ıe kásibı memlekettik apparat qajet. Árbir memlekettik qyzmetshi memlekettik saıasattyń jolserigi, sebebi onyń moınyna otansúıgishtiktiń, adaldyqtyń jáne satylmaýshylyqtyń etalony bolý sııaqty aýyr mindet artylǵan» - deı kele, aımaq basshysy salanyń damýyna súbeli úles qosqan bir top memlekettik qyzmetshini Alǵys hatpen marapattady.
Sonymen qatar, QR Memlekettik qyzmet isteri agenttiginiń Aqmola oblysy boıynsha departamentiniń basshysy Bergen Bespalınov, oblystyń Memlekettik qyzmet basqarmasynyń birinshi basshysy, «Qurmet» ordeniniń ıegeri Marat Qulmaǵambetov sóz sóılep, áriptesterin quttyqtady jáne abyroı bıiginen kórine berýlerine tilektestigin bildirdi.
«Halyqtyń senimi men ıgiligi úshin atqarylatyn barlyq bastamalar bizden tıisti jaýap kútýde. Biz jańashyldyq pen alǵa qoıylǵan maqsatty durys túsiný sııaqty elementterdi memlekettik qyzmetke jetkizý arqyly áldeqaıda uıymshyl, mobıldi, kúrdeli isterdi tyndyra alatyn memlekettik qyzmetshiler qatarynan tabylýymyz kerek», - dep atap ótti QR Memlekettik qyzmet isteri agenttiginiń Aqmola oblysy boıynsha departamentiniń basshysy Bergen Bespalınov.
Aıta ketý kerek, Memlekettik qyzmetshi kúnin merekeleý aıasynda Departamenttiń bastamasymen birqatar mańyzdy is-sharalar uıymdastyrylýda. Máselen, «Qaıyrymdy is» aktsııasy sheńberindegi qaıyrymdylyq sharalary, «Jańa aǵash» aktsııasy sheńberindegi ekologııalyq jaǵdaıdy jaqsartý maqsatynda aǵash otyrǵyzý, aımaqtardy qoqystan tazartý jumystary, sporttyq-mádenı is-sharalar júrgizilýde. Alǵash ret ákimshilik memlekettik qyzmetshiler arasynda voleıboldan oblystyq chempıonattyń úzdikteri anyqtalyp, Pavlodar qalasynda ótip jatqan voleıboldan memqyzmetshiler arasyndaǵy respýblıkalyq týrnırde Aqmola oblysynyń atynan baq synaýda.
Memlekettik basqarýdyń aldyńǵy qatarly tájirıbesin taratý, úzdik kásibı bilimderi men daǵdylary bar memlekettik qyzmetshilerdi aıqyndaý jáne madaqtaý, yntalandyrý júıesin damytý maqsatynda dástúrli túrde uıymdastyrylatyn «Qazaqstan Respýblıkasynyń úzdik memlekettik qyzmetshisi» baıqaýyna oblysymyzdyń memlekettik qyzmetshileri belsendi qatysýda.
