Bir top qyzylordalyq «Halyq alǵysy» medalimen marapattaldy
QYZYLORDA. QazAqparat - Qyzylorda qalasy ákimdiginde pandemııa kezinde ıgi ister atqarǵan azamattarǵa «Halyq alǵysy» medali tabystaldy, dep habarlaıdy QazAqparat tilshisi.
Olardyń qatarynda túrli salada qajyrly eńbek etken qalanyń janashyr 12 janashyr azamaty bar. Mundaı qurmetke birqatar sala basshylary, belsendi jastar jáne qarapaıym eńbek azamattary bólendi.
Osyndaı marapatqa ıe bolǵan Qyzylorda jylý-elektr ortalyǵynyń slesari Serik Ramberlıev syn saǵatta tyndyrymdy tirlik atqara bildi. Al «Qyzylorda tazalyǵy» mekemesiniń dezınfektory Denıs Pıatıbratov óz mindetine sol kezeńde úlken jaýapkershilikpen qarady.
Atalǵan shara barysynda qala ákimi Nurlybek Nálibaev elimizde tótenshe jaǵdaı jarııalanǵan kezeńde óz ómirin qaýipke tigip, barlyq saqtyq sharalaryn saqtaýǵa atsalysqan azamattardyń eńbegin aıryqsha atap ótti. Osyndaı belsendi azamattarǵa alǵys bildirip, qala halqynyń rızashylyǵyn jetkizdi. Olardyń belsendi azamattyq ustanymyn qalanyń damýyna jumsap, ıgi sharalardyń bastamashysy bolatynyna senim bildirdi.
