Bir top qustyń kesirinen AQSh kongresi evakýatsııalandy
NUR-SULTAN. QazAqparat – Bir top qus AQSh astanasynyń ushýǵa tyıym salynǵan keńistigine ótip kete jazdady, saldarynan kongresti evakýatsııalaýǵa týra keldi, dep habarlaıdy «QazAqparat» HAA CNN telearnasyna silteme jasap.
Qorǵanys mekemesindegi derekkózder qazirgi ýaqytta oqıǵanyń úsh nusqasy qarastyryp jatqanyn aıtty: bir top qus, atmosferalyq anomalııa nemese ushqyshsyz ushatyn apparat. Polıtsııa málimeti boıynsha, aspan keńistiginde baıqalǵan obekt baıaý qozǵalǵan. Pentagondaǵylar ony qanatty qustar dep esepteıdi, óıtkeni beıne áýeli radarda paıda bolyp keıinnen tarap ketken. Áskerı ushaq pen tikushaqtar eshteńeni anyqtaı almady.
Esterińizge sala keteıik, seısenbi kúni tańǵy 8:30-da Vashıngtonda tótenshe jaǵdaı jarııalandy. Kapıtolıı tóbesinen barlyq kongress músheleri men qyzmetkerlerdi evakýatsııalady, al Aq úı qyzmetkerlerine óz oryndarynda qalyp, eshqaıda shyqpaýǵa nusqaý berildi.
