Bir top qazaqstandyqty nelikten Seýlge kirgizbeı jatyr
ASTANA. QazAqparat - QR Syrtqy ister mınıstrligi bir top qazaqstandyqtyń Seýlge kirgizilmeýine qatysty pikir bildirdi, dep habarlaıdy «QazAqparat» HAA tilshisi.
«SІM-niń Ońtústik Koreıadaǵy Konsýldyq qyzmet departamenti basshylyǵynyń aldyn ala málimetterine qaraǵanda, elge kirgizýden bas tartýǵa shekaralyq baqylaýdan ótý kezinde qate aqparat berý, berilgen aqparattyń naqty derekterge sáıkes kelmeýi, qolma-qol aqshanyń azdyǵy jáne kútip alýshylardyń joqtyǵy sebep bolǵan», - deıdi QR SІM baspasóz qyzmeti mamandary.
Mınıstrlik ol azamattarǵa barynsha kómek kórsetýge ýáde berdi.
«Seýldegi bizdiń dıplomattar oqıǵanyń mán-jaıyn anyqtap jatyr. SІM-niń Koreıa Respýblıkasyndaǵy konsýldyq departamentiniń basshylyǵymen habarlasyp, oqıǵaǵa alańdaýshylyq bildirdi», - deıdi QR SІM resmı ókili Ánýar Jaınaqov.
Seýlge qysqy Olımpıada oıyndaryn tamashalaý úshin barǵan bir top qazaqstandyqtyń áýejaıdan shyǵýyna ruqsat etilmeı, tólqujattary men bıletterin alyp qoıǵan bolatyn.
QR Syrtqy ister mınıstrligi resmı saıtynda qazaqstandyqtardyń Ońtústik Koreıaǵa shyǵýyna qajetti qosymsha aqparattardy arnaıy jarııalady.
