Bir top qazaqstandyq oqýshy Elbasy Nursultan Nazarbaevtyń eńbek joly boıynsha saıahatqa attandy
ASTANA. 13 qarasha. QazAqparat - Qazaqstan Respýblıkasynyń Tuńǵysh Prezıdenti kúnine arnalǵan is-sharalar aıasynda
bir top qazaqstandyq mektep oqýshysy Memleket basshysy Nursultan Nazarbaevtyń eńbek joly boıynsha saıahatqa attandy. Bul jaıynda elordanyń resmı saıty habarlap otyr.
Qazaqstan Respýblıkasy Bilim jáne ǵylym mınıstrliginen habarlaǵanyndaı, mundaı ekskýrsııa respýblıkalyq jáne halyqaralyq olımpıadalardyń jeńimpazy men júldeger oqýshylaryna syılyq retinde jasalyp otyr.
Ekspedıtsııa baǵdary Nursultan Nazarbaev týyp-ósken Almaty oblysynan bastalady. Shamalǵan aýylynda balalar Fýrmanov atyndaǵy mektepte bolyp, Prezıdenttiń sábılik shaǵy ótken Úshqońyr shatqalyna barady. Qaskeleńde oqýshylar Qazaqstannyń Tuńǵysh Prezıdenti úzdik bitirgen Abaı atyndaǵy mektepti kóredi. Odan ári sapar Ýkraınanyń Dneprodzerjınsk qalasynda jalǵasady. Olar onda Elbasy oqyǵan, jumys istegen joǵary kásiptik ýchılışe, lıtseı, metallýrgııalyq kombınatty aralap, Qazaqstan Prezıdentine qoıylǵan eskertkishti kóredi.
Sondaı-aq, oqýshylarǵa Memleket basshysy eńbek etken jer - Qaraǵandy metallýrgııa kombınaty kórsetiledi. Bul qyzyqty sapar Qazaqstannyń bas qalasy - Astanada aıaqtalady.
