Bir top aqtóbelik taǵy da qarjy pıramıdasyna aldanyp qaldy
AQTÓBE. QazAqparat - Aqtóbede « Golden city» qarjy uıymyna aldanǵandar polıtsııaǵa aryz jaza bastady, dep habarlaıdy QazAqparat tilshisi.
Aqtóbe qalasynda taıaýda qarjy pıramıdasyna qatysty tergeý bastalǵan bolatyn. Búgin taǵy bir uıymǵa qatysty qylmystyq is qolǵany belgili boldy.
«Qylmystyq kodekstiń 217-baby boıynsha sot aldy tergeý jumystary bastaldy. Zardap shekkender Sazdy polıtsııa bólimine baryp, aryz jazýy tıis», - dedi oblystyq PD baspasóz qyzmetiniń jetekshisi.
Aldanǵandar arasynda otbasymen aqsha aýdarǵandar bar. Olardyń árqaısysy 300 myń teńgeden qarjy salǵan.
«Úsh aı ishinde aqshany eki ese ústemaqymen qaıtarýǵa bolatynyn aıtyp, ýáde berdi. Qolymyzda kelisimshart ta bar. Bir otbasyndaǵy bes adamnyń árqaısysy 300 myń teńge apardy. Barlyǵy 1,5 mln teńge boldy. Alýǵa kelgende basshylyq joq, qaıda bararymyzdy bilmeı júrmiz», - deıdi salymshy Gúljan Berishbaeva.
