Bir top aqmolalyq «Astana 20 jyl» merekelik medalimen marapattaldy
Oblystyq əkimdikte ótken sharaǵa oblystyq əkimdik qyzmetkerleri, aýdan, qala əkimderi, departament jəne basqarma, kəsiporyn jəne əleýmettik sala mekemeleriniń basshylary men eńbek ardagerleri qatysty.
Óńir basshysy Málik Myrzalın qazaqstandyqtar úshin mańyzdy merekelerdiń biri sanalatyn Astana kúnimen barsha aqmolalyqtardy quttyqtap, elordanyń qalyptasýy men damýyna jəne óńirdiń əleýmettik-ekonomıkalyq damýyna eleýli úles qosqan azamattarǵa alǵys bildirdi.
«Elorda - elimizdiń júregi, táýelsizdigimizdiń nyshany, halqymyzdyń maqtanyshy. Oǵan ərbir qazaqstandyqtyń tynymsyz eńbeginiń arqasynda qol jetkizildi. Elbasymen birge Astanany qalyptastyrýǵa jəne egemen Qazaqstannyń jetistigine senimmen qaraǵandardyń arasynda elge tanymal əri qurmetke laıyq aqmolalyqtardyń da úlesi zor», - dedi oblys əkimi óz sózinde.
Saltanatty jıynda oblys basshysy Astana kúnine oraı, Memleket basshysy N.Nazarbaevtyń Jarlyǵyna səıkes Elordanyń qalyptasýy men damýyna eleýli úles qosqan oblystyq əkimdik qyzmetkerleri, aýdan, qala əkimderi, departament jəne basqarma, kəsiporyn, əleýmettik sala mekemeleriniń basshylary jəne ardagerlerden quralǵan bir top aqmolalyqqa «Astana 20 jyl» merekelik medalin tabys etti.