Bir táýlikten beri jylý men jaryqsyz otyrǵan Jańatasqa elektr qýaty berildi
Oblys ákimi Nurjan Nurjigitovtiń Sarysý aýdanyndaǵy jumys sapary tótenshe jaǵdaı saldaryn joıý boıynsha jedel shtab otyrysymen túıindeldi.
Basqosýda aımaq basshysy aýdannyń eldi mekenderin elektr energııasymen qamtý, Jańatas qalasyna jylý berý boıynsha jumystardy jedeldetýdi tapsyrdy.
Qazirgi kezde Jańatas qalasyna elektr energııasy berilip úlgerdi. Endigi kezekte ortalyq qazandyqtyń jumysyn jandandyrý boıynsha sharalar qolǵa alynyp jatyr.
Barlyq saladaǵy qyzmettiń úılesimdi áreketiniń mańyzdylyǵyn basa aıtqan oblys ákimi jaýaptylarǵa naqty tapsyrmalar júktedi.
Eske sala keteıik, Jambyl oblysynyń Sarysý aýdanynda tabıǵı sıpattaǵy tótenshe jaǵdaı jarııalanǵan edi.
Qaladaǵy qatty jelden keıin jylýsyz qalǵan mektepter generatormen jylytylady.
Foto: gov.kz