Bir táýlikten astam bıiktigi 24 metrlik aǵashtyń basynda otyrǵan jigit jerge tústi
ASTANA. QazAqparat - Amerıkalyq Sıetl qalasynda bir táýlikten astam ýaqyt boıy bıiktigi 24 metrlik aǵashtyń basynda otyrǵan jigit jerge tústi, dep jazdy New York Times gazeti.
Bul oqıǵa seısenbide tańerteń bastaldy. Bul kúni saqaly ósken, kıimi alba-julba bolǵan jigit qalanyń ortalyq aýdanynda ósip turǵan aǵashtyń basyna shyqqan. Basylym aqparatynsha, ol ózimen jyly kıim men tamaq alǵan. Jol-jónekeı ótkenderdiń biri jigitti kórip, qutqarý qyzmetine habar beredi. Keıin oqıǵa ornyna polıtsııa kelip jetti.
Jigit aǵashtan túsken soń, ony medıtsınalyq tekserýden ótkizý úshin jedel járdem kóligimen alyp ketti. Polıtsııa jigittiń kim ekenin anyqtady, alaıda málimetterdi jarııalamaı otyr.
