Bir táýlikte TJ talaptaryn buzǵan 112 elordalyq jaýapkershilikke tartyldy
NUR-SULTAN. QazAqparat – Ótken bir táýlikte elordada ákimshilik jaýapkershiliktike 112 turǵyn tartyldy, onyń ishinde 72-sine aıyppul salynyp, 31 adamǵa eskertý jasaldy, sot qaraýyna 9 is joldandy, dep habarlaıdy QazAqparat.
Polıtsııa departamenti málimetinshe, 16 sáýirde túrli ákimshilik talaptardy buzý faktisi boıynsha 65 avtokólik kommýnaldyq turaqqa qoıyldy.
Jalpy, karantın bastalǵaly ákimshilik jaýapkershilikke 2 myńnan astam adam tartyldy. Onyń ishinde 183-i qamaýǵa alynsa, 1411 turǵynǵa aıyppul salyndy. Sonymen qatar, 503 adamǵa eskertý jasaldy.
Aıta keteıik, qala aýmaǵy kóshelerdiń shekaralary boıynsha bólinip, onyń árbirindegi jaǵdaıdy tártip saqshylary baqylap otyr. Qazirgi kezde shahar aýmaǵynda 26 mobıldik beket qoıylǵan.
«Karantın rejımin saqtaý qajettigine baılanysty eskertýlerge, profılaktıkalyq túsindirý jumystaryna qaramastan, turǵyndardyń birazy saqtyq sharalaryn eskermeı jatyr», - delingen Polıtsııa departamenti habarlamasynda.
