Bir táýlikte koronavırýsqa 140 adam shaldyqty – mınıstrlik

ASTANA. QazAqparat – Ótken bir táýlikte Qazaqstanda koronavırýs 140 adamnan anyqtaldy. Koronavırýs pnevmonııasyna shaldyqqandar tirkelgen joq. QazAqparat bul týraly Densaýlyq saqtaý mınıstrligine silteme jasap habarlaıdy.

Jalpy 6 jeltoqsandaǵy málimet boıynsha, el óńirlerinde koronavırýs ınfektsııasynan - 1 183 (KVI+), koronavırýs pnevmonııasynan - 191 (KVI-), barlyǵy 1 374 adam emdelýde. Olardyń ishinde 191 patsıent statsıonarda, 1 183 naýqas ambýlatorııalyq deńgeıde em qabyldap jatyr.
KVI+, KVI- shaldyqqandardyń arasynda:
- 5 adamnyń jaǵdaıy aýyr,
- 3 patsıenttiń jaǵdaıy óte aýyr,
- 4 naýqas ókpeni jasandy jeldetý apparatyna qosylǵan.

6 jeltoqsanǵa deıin Qazaqstanda koronavırýsqa qarsy vaktsınalardyń I komponentimen 10 849 289 adam, II komponentimen 10 613 754 adam egildi. Revaktsınalandy – 5 669 940 adam.

Eske salaıyq, 4 jeltoqsandaǵy bir táýlikte elimizde atalǵan indet 114 adamnan, koronavırýs belgileri bar pnevmonııa 3 adamnan anyqtalǵan bolatyn. Pnevmonııadan 1 adam qaıtys boldy.