Bir táýlikte koronavırýs pen pnevmonııa 241 adamnan anyqtaldy – mınıstrlik

ASTANA. QazAqparat – Ótken bir táýlikte elimizde koronavırýs ınfektsııasyna – 231, koronavırýs belgileri bar pnevmonııaǵa 11 adam shaldyqty, dep habarlaıdy QazAqparat Densaýlyq saqtaý mınıstrligine silteme jasap.

Jalpy, 28 jeltoqsandaǵy jaǵdaı boıynsha, el óńirlerinde koronavırýstan (koronavırýs (KVI+) –2 480, pnevmonııa (KVI-) –141) 2 621 adam emdelýde. Olardyń ishinde 282 patsıent statsıonarda, 2 339 naýqas ambýlatorııalyq deńgeıde em qabyldaýda.

KVI+, KVI- shaldyqqandardyń arasynda:
- 8 adamnyń jaǵdaıy aýyr;
- 6 patsıenttiń jaǵdaıy óte aýyr;
- 2 naýqas ókpeni jasandy jeldetý apparatyna qosylǵan.

Aıta keteıik, 26 jeltoqsanda koronavırýs 175 adamnan anyqtalǵan bolatyn. Pnevmonııaǵa shaldyqqandar tirkelmedi.