Bir táýlikte qoldan bılet satyp júrgen 12 adam ustaldy
NUR-SULTAN. QazAqparat - Kólik polıtseıleri bir táýlikte poıyzda jol júrý bıletin satatyn 12 tulǵany ustady, dep habarlaıdy QazAqparat Kóliktegi polıtsııa departamentiniń baspasóz qyzmetine silteme jasap.
Osy jyldyń 29-31 shildesi aralyǵynda Kóliktegi polıtsııa departamenti «Taza vokzal» keń aýqymdy aktsııasyn ótkizip jatyr.
Kóliktegi polıtsııa departamenti Ákimshilik polıtsııa basqarmasynyń bastyǵy polıtsııa podpolkovnıgi Jasulan Baıkenovtyń aıýtynsha, sharanyń maqsaty – «qoǵamdyq oryndarda jarmasý» faktilerin, atap aıtqanda jolaýshylar poıyzynda bıletterdi alyp-satýmen aınalysatyn tulǵalardy, zańsyz tasymaldaýshylardy (taksı júrgizýshileri), zańsyz júk kóterý qyzmetin kórsetýshilerdi, saýda jasaýshylardy (óz taýaryn tyqpalaıtyn), qaıyrshylyqpen aınalysatyn shetel azamattaryn anyqtaý.
«Jyl basynan beri elimizdegi áýe jáne temirjol nysandarynda «Qoǵamdyq oryndarda jarmasý» boıynsha 1508 fakti tirkeldi. Onyń ishinde 32 fakti – jolaýshylar poıyzyna jol júrý bıletin alyp-satý, 223 fakti - zańsyz tasymaldaýshylarǵa (taksı júrgizýshileri), 693 fakti zańsyz júk kóterý qyzmetin kórsetýshilerge, 560 fakti saýdamen aınalysatyn tulǵalarǵa tıesili», - dedi Jasulan Baıkenov.
