Bir táýlikte Qazaqstanǵa 6 elden 1600-ge jýyq adam ushyp keldi

NUR-SULTAN. QazAqparat - 3 jeltoqsanynda Qazaqstan Respýblıkasynyń aýmaǵyna Ulybrıtanııa, Mysyr, BAÁ, Túrkııa, Grýzııa jáne Reseıden 14 halyqaralyq áýe reısi keldi, dep habarlaıdy QazAqparat.

QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetiniń aqparatyna sáıkes, barlyǵy 1 592 jolaýshy ushyp kelgen. Olardyń 1321-inde koronavırýsqa PTR-testileýdiń teris nátıjesi bar anyqtama bolǵan. Anyqtamasyz 271 adam kelgen, barlyǵy – Qazaqstan azamattary.

Onyń ishinde:

Almaty qalasynyń áýejaıyna – 7 reıs, barlyǵy 804 jolaýshy, anyqtamamen – 643, anyqtamasyz – 161;

Nur-Sultan qalasynyń áýejaıyna – 6 reıs, barlyǵy 647 jolaýshy, anyqtamamen – 539; anyqtamasyz – 108;

Shymkent qalasynyń áýejaıyna – 1 reıs, barlyǵy 141 jolaýshy, anyqtamamen – 139; anyqtamasyz – 2.

«Anyqtamasyz kelgen Qazaqstan azamattary kelgen jeri boıynsha karantındik statsıonarlarǵa ornalastyryldy jáne PTR-taldaý ádisimen COVID-19-ǵa testilendi. Barlyq 271 adamnyń test synamasy teris nátıje kórsetti», - delingen málimette.