Bir táýlikte Qazaqstanda alty adam sýǵa ketti, onyń ishinde 7 jasar bala bar - TJM
ASTANA. 26 maýsym. QazAqparat - Bir táýlik ishinde Qazaqstanda alty adam sýǵa batyp ketti, sonyń ishinde 7 jasar bala bar, dep habarlady TJM-niń baspasóz qyzmetinen.
Dúısenbi, 25 maýsym kúni Astanada Kóktal kentiniń aýmaǵynda Esil ózenine shomylý kezinde 29 jasar er adam batyp ketti. Onyń denesi sýdan QR TJM Astana qalalyq TJD sýdan-qutqarý qyzmetiniń 5 adamy men 1 tehnıkasynyń kómegimen shyǵaryldy.
Sol kúni Aqmola oblysy, Zerendi aýylyndaǵy Zerendi kóline 30 jastaǵy er adam batyp ketti. Onyń denesi jer betine QR TJM Aqmola oblystyq TJD sýdan-qutqarý qyzmetiniń 3 adamynyń kómegimen shyǵaryldy.
Dúısenbide Almaty oblysyndaǵy Jetigen aýylynda ornalasqan «Solnyshko» demalys aımaǵynda 2005 jyly týǵan bala sýǵa ketti. Onyń denesi demalys aımaǵyndaǵy sýdan-qutqarý qyzmetiniń kúshimen shyǵaryldy.
Almaty oblysyndaǵy Aqshı kentinde ornalasqan «Aqshı mekeni» sharýa qojalyǵynda toǵandaǵy sýǵa shomylý kezinde 48 jastaǵy er adam mert boldy. Onyń máıitin shyǵarýǵa QR TJM Almaty oblystyq TJD-nyń 3 adamy men 1 tehnıkasy jumyldyryldy.
Qyzylordadaǵy Qalǵandarııa arnasynda dúısenbi kúni 21 jasar azamat sýǵa ketti. Onyń múrdesi QR TJM Qyzylorda oblystyq TJD sýdan-qutqarý qyzmetiniń 4 adamy men 1 tehnıkasynyń kómegimen shyǵaryldy.
Sol kúni, Soltústik Qazaqstan oblysyna qarasty Bıdaıyq aýylyndaǵy toǵanǵa shomylý kezinde 44 jastaǵy er adam kóz jumdy. Onyń denesin sýdan jergilikti turǵyndar alyp shyqty.
