Bir táýlikte el aýmaǵynda sýǵa ketken 4 adamnyń múrdesi tabyldy
ASTANA. 8 shilde. QazAqparat - Bir táýlikte el aýmaǵynda sýǵa ketken 4 adamnyń múrdesi tabyldy, taǵy bireýi izdestirilýde,
dep habarlaıdy QR TJM baspasóz qyzmetinen.
Aqmola oblysynyń Astrahan aýdanynda Kolýton ózenine shomylǵan 60 jastaǵy azamat sýǵa ketti. Jezqazǵan qalasynda Keńgir sý qoımasyna túsken 40 jastaǵy azamat batyp ketti. Sonymen qatar Qostanaı oblysynyń Taranov aýdanynda Tobylǵa shomylǵan 42 jastaǵy áıel tunshyǵyp óldi. Al Ońtústik Qazaqstan oblysynyń Maqtaaral aýdanynda Dostyq arnasyna 14 jastaǵy jetkinshek batyp ketti. Atalǵan adamdardyń barlyǵynyń múrdesin QR TJM mamandary sýdan alyp shyqty.
Taǵy bir qaıǵyly oqıǵa Qyzylorda oblysynda oryn alyp, 43 jastaǵy áıel Syrdarııa ózenine batty. Onyń múrdesin QR TJM mamandary izdestirýde.
