Bir táýlikte «Astana Tańdaýy» baıqaýy úzdigine 1000-ǵa tarta adam daýys berdi
ASTANA. 11 maýsym. QazAqparat - Úzdik mamandyq ıelerin tańdaý Astanada ekinshi jyl qatarynan ótýde. «Astana Tańdaýy» baıqaýy úzdik muǵalimdi, dárigerdi, ýchaskelik ınspektor men qurylysshyny,
jolshy men qoǵamdyq kólik júrgizýshisin jáne energetıkti tańdaıtyndyǵymen qala turǵyndarynyń júregine jol tapty.
«Ótinimder qabyldaý 1 naýryzdan bastaldy. Osy ýaqyt aralyǵynda 7 atalym boıynsha 170 ótinim berildi. Al daýys berý elorda ákimdiginiń www.astana.kz resmı ınternet resýrsynda 10 maýsymnan bastaldy. Ol 25 maýsymǵa deıin jalǵasady.
Alǵashqy táýlikte www.astana.kz saıtyna 956 adam daýys berdi. Olardyń 95 paıyzy - turaqty tutynýshylar, - dep habarlaıdy astana.kz saıtyna Astananyń 15 jyldyǵyn ázirleý men ótkizý jónindegi uıymdastyrý komıtetiniń medıa tobynan.
Bıylǵy jylǵy baıqaýdyń bir ereksheligi - jınalǵan daýystardy kompıýterlik baǵdarlama sanap shyǵarady. Sonymen qatar, atalymǵa úmitkerlerdiń arasynan tek bir adamǵa ǵana daýys berý múmkindigi bar.
Eske salaıyq, «Astana Tańdaýy» baıqaýynyń jeńimpazdary halyqtyń yqylasynan ózge, Astana qalasy ákiminiń kýbogy men alǵys hatyna ıe bolady. Sondaı-aq, 7 jeńimpazǵa Astana qalasynyń 15 jyldyq mereıtoıyna arnalǵan úzdik kontsertterdiń bıleti tabystalady.
