Bir táýlikte 90 myńǵa deıin qazaqstandyq koronavırýsty anyqtaıtyn testen óte alady

NUR-SULTAN. QazAqparat – Qazaqstanda koronavırýs boıynsha testten ótkizý qýattylyǵy táýligine 90 myńǵa jetti. Bul týraly QR Densaýlyq saqtaý mınıstri Alekseı Tsoı málim etti, dep habarlaıdy QazAqparat tilshisi.

«Búgingi kúni Qazaqstanda koronavırýs ınfektsııasyn anyqtaý maqsatynda 4 mıllıonǵa jýyq zertteý (test) júrgizildi. Testen ótkizý táýligine 90 myńǵa deıin jetti. Kún saıyn zerthanalar 40 myńǵa tarta adamdy koronavırýs ınfektsııasy boıynsha testten ótkizip jatyr», - dedi Alekseı Tsoı Ortalyq kommýnıkatsııalar qyzmetinde ótken baspasóz máslıhatynda.

Mınıstr osylaısha zerthanalardyń rezervtik qýattylyǵy 50 myń zertteýge deıin jetkiziletinin málim etti. Bul – halyqty tolyqqandy testten ótkizý múmkindigine jol ashady.