Bir táýlikte 6 adam sýǵa batyp ketti, aralarynda bala bar
ASTANA. 17 maýsym. QazAqparat - Táýlik ishinde 6 adam sýǵa batyp ketti, aralarynda bala bar, dep habarlady QR TJM baspasóz qyzmetinen.
Keshe, Astanada Ońtústik-Shyǵys shaǵynaýdanynda 40-45 jastaǵy azamat belgisiz jaǵdaıda sýǵa batyp ketti. Onyń múrdesin QR TJM mamandary alyp shyqty.
Dál osy kúni Aqmola oblysyna qarasty Qosshy aýylynda 32 jastaǵy azamat Nura ózenine batty. Onyń múrdesi jergilikti turǵyndardyń kúshimen shyǵaryldy.
16 maýsym kúni Temirtaý qalasyndaǵy Samarqand sý qoımasynda sýǵa shomylǵan 29 jastaǵy jigit tunshyǵyp óldi. Azamattyń denesin sýdan QR TJM Qaraǵandy oblystyq tótenshe jaǵdaılar departmentiniń sýda qutqarý mamandary shyǵardy.
Sonymen qatar Qostanaı oblysyna qarasty Býrevestnık aýylynda 10 jasar bala, al Ońtústik Qazaqstan oblysynyń Qyzemshek aýylynda Shý ózenine 18 jastaǵy jasóspirim batyp ketti. Olardyń múrdesin jergilikti turǵyndar sýdan shyǵaryp aldy.
