Bir táýlikte 5 adam koronavırýs juqtyrdy

NUR-SULTAN. QazAqparat – 13 mamyrda PTR test arqyly Qazaqstanda 5 adamda koronavırýs anyqtaldy, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııaǵa silteme jasap.

Koronavırýs ınfektsııasyn juqtyrý deregi elimizdiń qos bas qalasynda tirkeldi. Atap aıtqanda, bireýi Nur-Sultanda, qalǵan tórteýi Almatyda.

Osylaısha, elimizde koronavırýs ınfektsııasyn juqtyrǵandar sany 1 305 636 jetti.

Sondaı-aq, elimiz boıynsha 258 adam koronavırýs ınfektsııasynan jazylyp shyqty. Sonymen, osy dertten saýyqqandar sany - 1 291 748.

Budan buryn habarlanǵanyndaı, Qazaqstanda stels-omıkron shtamy anyqtaldy.