Bir táýlikte 450 adamnan koronavırýs anyqtaldy: Almaty ákimdigi turǵyndarǵa júgindi
ALMATY. QazAqparat – Almatyda ótken táýlikte 450 adamnan koronavırýs ınfektsııasy anyqtaldy. Jyl basynan beri qaýipti indetti 13 myńnan astam turǵyn juqtyrǵan. 2020 jyly 18 521 jaǵdaı tirkeldi, dep habarlaıdy QazAqparat tilshisi.
Almaty qalasynyń sanıtarlyq-epıdemıologııalyq baqylaý departamentiniń habarlaýynsha, turǵyndar arasynda ınfektsııa juqtyrý qarqyny joǵary. sonymen qatar, megapolıste brıtandyq jáne ońtústik afrıkalyq koronavırýs shtamdaryna tán mýtatsııalar anyqtaldy.
Jańa shtamdardyń kontagıozy joǵary. Aldyńǵy bazalyq shtammen salystyrǵanda jańa shtammdardyń juqtyrý kórsetkishi 70%-ǵa deıin joǵary. ıAǵnı, bul ınfektsııa óte juqpaly.
Sonymen qatar, KVI sımptomsyz formalaryn tirkeýde 2020 jyly 39%-dan 2021 jyly 32%-ǵa deıin tómendeý baıqalady.
Naýryz aıynyń 3 aptasynda koronavırýs ınfektsııadan eń kóp zardap shekken – 20-39 jas aralyǵyndaǵy azamattar - 38% jáne 40-59 jastaǵy adamdar - 27%, sondaı-aq 60 jastan asqandar - 20%.
Taldaý nátıjeleri boıynsha bıylǵy jyldyń naýryz aıynyń 3 aptasynda ınfektsııanyń juǵýy myna oryndardan bolýy múmkin: qoǵamdyq oryndarǵa barǵanda (saýda, qoǵamdyq tamaqtaný) - 42%, sońǵy aptada - 41% -1% tómendeý; qoǵamdyq kólikpen júrgende - 18%; otbasylyq sharalar.
Qalada qalyptasqan epıdemıologııalyq jaǵdaıdy eskere otyryp, Almaty qalasynyń ákimdigi KVI-diń aldyn alýdy kúsheıtýge shaqyrady. Maska rejımin, áleýmettik araqashyqtyqty saqtaý, qoǵamdyq oryndarǵa barýdan aýlaq bolý jáne adamnyń kóp jınalýyn boldyrmaý, sondaı-aq áleýmettik baılanysty azaıtý qajet.
