Bir táýlikte 200-den astam qazaqstandyqty úsik shaldy - DSM

ASTANA. QazAqparat - Sońǵy bir táýlikte 200-den astam qazaqstandyq úskirik aıazdan zardap shegip, dárigerler kómegine júgingen. Bul týraly QazAqparat tilshisine QR Densaýlyq saqtaý vıtse-mınıstri Lázzat Aqtaeva aıtty.

«Respýblıkalyq sanıtarlyq avıatsııa ortalyǵy keltirgen derekterge sáıkes, 2018 jyldyń 23 qańtarynda Qazaqstanda 223 adam «úsý» dıagnozymen dárigerge júgindi. Onyń 73-i aýrýhanaǵa jatqyzylsa, 150-ine emhanada kómek kórsetilgen. Naýqastardyń jaǵdaıy turaqty», - dep habarlady vıtse-mınıstr.

Eske sala ketsek, Qazgıdromet Qazaqstannyń birneshe oblysynda aýa raıynyń kúrt sýytatynyn eskertti.

«24-29 qańtar aralyǵynda Almaty, Jambyl oblystarynda, 26-29 qańtar arasynda Ońtústik Qazaqstan men Qyzylorda oblystarynda aýa temperatýrasy tómendep, túnde 15-20 gradýs aıaz (keı jerlerde 25-30) túsedi. Birtindep ol 20-25 gradýsqa deıin (keı jerlerde 30-35)  jetýi múmkin. 

Astana qalasynda aıazdy kúnderi 28 adamdy úsik shaldy.