Bir táýlikte 1-synypqa qabyldaý úshin 8 myń ótinish tústi

NUR-SULTAN. QazAqparat - 1 sáýirde alty jasar jáne aǵymdaǵy kúntizbelik jyly 6-ǵa tolatyn balalardyń qujattaryn birinshi synypqa qabyldaý bastaldy. Qujattardy qabyldaýdyń alǵashqy kúni 8 124 ótinish kelip túsken. Bul týraly QazAqparat BǴM silteme jasap habarlaıdy.

Ótinishterdi qabyldaý elektrondy formatta egov.kz arqyly júrgiziledi jáne 1 tamyzǵa deıin jalǵasady.

Mektepke túsý úshin kelesi qujattardy usyný qajet:
ata-analardyń ótinishi (nemese olardy almastyratyn tulǵalar);
balanyń týý týraly kýáliginiń kóshirmesi;
balanyń densaýlyq jaǵdaıy týraly qujat (bala densaýlyǵy pasporty, 063/ý nysany boıynsha medıtsınalyq anyqtama);
3h4 kólemindegi 2 foto.
2021-2022 oqý jyly 1-synypqa 340 myńnan astam bala qabyldaý josparlanyp otyr.
Eske salsaq, birinshi synyp oqýshylarynyń qujatyn qabyldaý 1 sáýirde bastalyp, 1 tamyzǵa deıin jalǵasady.