Bir táýlik ishinde Qazaqstannyń kóshi-qon zańdylyǵyn buzǵan 28 adam ustaldy - Shekara qyzmeti

ASTANA. QazAqparat - Ótken táýlik ishinde memlekettik shekaramyzdyń ártúrli bóliginde elimizdiń kóshi-qon zańdylyǵyn buzǵan 28 adam ustaldy, dep habarlady QR UQK ShQ baspasóz qyzmetinen.

Olardyń barlyǵynyń qujatynda kóshi-qon polıtsııasynyń tirkeýi joq bolyp shyqty. Keıbir azamattardyń bizdiń elimizde zańsyz júrgenderine bir aıdan asyp ketken. Atap aıtqanda, Saryaǵash shekara otrıadyna qarasty «Qaplanbek - avto» baqylaý-ótkizý beketiniń shekarashylary (qazaq-ózbek shekarasy) 3-shi jeltoqsan kúni 16 saǵat shamasynda júrgizgen reıd barysynda Ózbekstandyq 3 azamatty ustady, olardyń bizdiń elimizde zańsyz júrgenderine 35 táýlik bolǵan. Ustalǵandar negizinen Ózbekstan jáne Reseı azamattary, barlyǵy QR Ákimshilik-quqyqbuzýshylyq Kodeksiniń 517-babyna sáıkes ákimshilik jazaǵa tartyldy.