Bir táýlik ishinde iPhone 5-ke tapsyrys berýshiler sany 2 mln.-nan asty
ASTANA. 18 qyrkúıek. QazAqparat - Apple kompanııasynyń «iPhone 5» smartfonyna aldyn ala tapsyrys berý alǵashqy 24 saǵatta 2 mln.-nan asyp jyǵylǵan. Bul týraly RBK habarlaıdy.
Apple kompanııasy bul buryn-sońdy bolmaǵan kórsetkish ekenin aıtyp otyr. Buǵan deıin shyǵarylǵan iPhone 4S smatrfonyna bir táýlik ishinde 1 mln.-ǵa jýyq adam tapsyrys beripti, ıaǵnı jańa ónimge degen suranys eki ese kóp bolyp otyr.
iPhone 5-ke osy jyldyń 14 qyrkúıeginen bastap aldyn ala tapsyrys qabyldana bastady. Gadjet AQSh-ta 21 qyrkúıekte satylymǵa shyǵarylady, bir aptadan soń taǵy 22 elde satyla bastaıdy. 16 gıgabaıt jady bar modeldiń quny 199 dollar, 32 gıgabaıttyq - 299 dollar, al 64 gıgabaıttyq model 399 dollar turatyn bolady.
