Bir táýlik ishinde Facebook-ke kirgenderdiń sany bir mıllıardqa jetti
ASTANA. QazAqparat - 24 tamyzda Facebook áleýmettik jelisine kirgenderdiń sany alǵash ret bir mıllıard adamdy qurady. Bul týraly 28 tamyzda áleýmettik jelini qurýshy Mark Tsýkerberg óz paraqshasynda jazdy.
«Dúısenbi kúni Jerdiń jeti turǵynynyń bireýi dostarymen jáne otbasy múshelerimen baılanysqa shyǵýy úshin Facebook-ti paıdalandy», - dep jazdy Tsýkerberg.
2013 jyldyń tamyzynda Tsýkerberg Internet.org qoryn iske qosty, oǵan sonymen qatar Ericsson, Nokia, Samsung, Opera Software, Qualcomm jáne ózge de birqatar kompanııa kiredi. Onyń negizgi maqsaty - búkil álem boıynsha bes mıllıard adamǵa ınternetke degen qoljetimdilikti tegin etý.
