Bir táýlik ishinde 7 adamnyń ajaly sýdan boldy
ASTANA. QazAqparat - Bir táýlik ishinde 7 adamnyń ajaly sýdan boldy, dep habarlaıdy QR TJM.
Soltústik Qazaqstan oblysy Aıyrtaý aýdany Lobanovo aýylynda balyq aýlaý kezinde 1986 jylǵy er adam sýǵa batyp ketken. Máıit QR TJM Soltústik Qazaqstan oblysy TJD sýdan qutqarý qyzmetiniń (4 adam, 1 tehnıka) sýdan shyǵaryldy.
Al Jambyl oblysy Taraz qalasynda «Bazarbaı» kanalyna sýǵa shomylý kezinde 1994 jylǵy eki jigit sýǵa batyp ketti. QR TJM Jambyl oblysy TJD sýdan qutqarý qyzmetiniń kómegimen (10 adam men 2 tehnıka) 1 jigittiń máıiti tabyldy. Taǵy bir jigittiń denesi izdestirilýde.
Sondaı-aq Ońtústik Qazaqstan oblysy Túrkistan qalasynda Qarashyq ózenine shomylý kezinde 2001 jylǵy jasóspirim sýǵa ketti.
Sonymen qatar Almaty oblysynda da úsh adamnyń ajaly sýdan boldy: Almaty oblysynyń Taldyqorǵan qalasynda Eńbek aýylynda Qaratal ózenine keshe sýǵa túsý kezinde 1998 jyly týǵan qyz sýǵa batyp ketti. Almaty oblysynyń Qarasaı aýdany Mereı kentinde «Oktıabrskaıa №2» sý qoımasyna sýǵa túsý kezinde 1996 jyly týǵan azamat sýǵa ketken. Almaty oblysynyń Іle aýdany Kaztsık kentinde «Lokator» kóline sýǵa túsý kezinde keshe 1985 jyly týǵan azamat batyp ketti. Onyń máıiti sýdan QR TJM Almaty qalasynyń TJD sýda qutqarý qyzmetiniń kúshimen shyǵaryldy.
