Bir táýlik ishinde 2 adam sýǵa ketti - QR TJM
ASTANA. QazAqparat - Elimizde bir táýlik ishinde 2 adam sýǵa ketti, dep habarlaıdy QR TJM baspasóz qyzmetinen.
Almaty oblysynyń Sarqand aýdany Kólbaı kentinde Lepsi ózenine keshe túnde sýǵa túsý kezinde 1996 jyly týǵan jasóspirim batyp ketti. Onyń máıiti QR TJM Almaty oblysynyń TJD sýda qutqarý qyzmetiniń kúshimen tabylyp, sýdan shyǵaryldy (5 adam men 2 tehnıka).
Sondaı-aq Soltústik Qazaqstan oblysynyń Esil aýdany Nıkolaevka aýylynda jasandy kotlovanǵa keshe tańǵy 08.10 kezinde sýǵa túsý kezinde 1991 jyly týǵan jas jigit batyp ketti. Onyń máıiti saǵat 18.00 kezinde QR TJM Soltústik Qazaqstan oblysynyń TJD sýda qutqarý qyzmetiniń kúshimen tabylyp, sýdan shyǵaryldy.
Al Qyzylorda oblysynyń Qarmaqshy aýdany Syrdarııa ózenine 13 maýsym kúni abaısyzda batyp ketken 1979 jyly týǵan er adamnyń máıiti QR TJM Qyzylorda oblysynyń TJM sýda qutqarý qyzmetiniń kúshimen 19 maýsym kúni tabyldy.
Sonymen qatar Aqmola oblysynyń Atbasar aýdany Aşykól aýylynda Esil ózenine 16 maýsym keshki saǵat 19.00-de sýǵa túsý kezinde 1952 jyly týǵan áıel adam batyp ketti. Onyń máıiti úsh kún ótken soń Aqmola oblysynyń TJD sýda qutqarý qyzmetiniń kúshimen tabylyp, sýdan shyǵaryldy (5 adam men 1 tehnıka).
