Bir táýlik ishinde 11 adam sýǵa ketti
ASTANA. QazAqparat - Bir táýlik ishinde tyıym salynǵan jerlerde elimiz boıynsha 11 adam sýǵa ketti, taǵy bir adamdy qutqarýshylar izdep jatyr, dep habarlaıdy QazAqparat QR ІІM TJK resmı ókiline silteme jasap.
«QR ІІM TJK turǵyndardy shomylýǵa tyıym salynǵan jerlerde sýǵa túspeý kerektigine eskertý jasaýyna qaramastan adamdar ruqsat etilmegen oryndarda sýǵa túsedi. Ókinishke oraı, 6 tamyzda 2 bala sýǵa ketti. Balalar úlkenderdiń baqylaýynsyz qalǵan. Sondaı-aq sýǵa túser kezde mas kúıinde bolǵan faktiler de bar», - dedi TJK resmı ókili Rýslan Imanqulov.
Osyǵan baılanysty QR ІІM TJK turǵyndardy shomylýǵa tyıym salynǵan jerlerde sýǵa túspeýge jáne sýdaǵy qaýipsizdik erejelerin buzbaýǵa shaqyrady.
