Bir shara kespe jegen qytaılyq órt sóndirýshi jergilikti áleýmettik jelilerdiń juldyzyna aınaldy (FOTO)
ASTANA. QazAqparat - Qytaılyq órt sóndirýshiniń fotolary jergilikti BAQ-ta jarııalanǵan soń áleýmettik jelilerdiń juldyzyna aınaldy. Fotolarda onyń tez ázirlenetin bir shara kespeni jegeni túsirilgen.
Er adam jumystaǵy qysym saldarynan kóp tamaqtanýǵa májbúr ekenin túsindirdi.
CCTV News telearnasy habarlaǵandaı, órt sóndirýshi Bý Venmın áriptesterimen birge eki táýlik boıy demalyssyz jáne úzdiksiz jumys istegen. Qutqarýshylar túngi saǵat ekide bazaǵa kelgende, jergilikti órt sóndirý qyzmetiniń bas aspazy olarǵa sharada tez ázirlenetin kespe daıyndaǵan.
Bý as úıge joldastarynan keshteý keldi. Ózine tıesili taǵamdy jegen ol sharada kóp kespe qalǵanyn baıqady. Qytaılyq sharany ózine tartyp, ondaǵy taǵamnyń barlyǵyn jalǵyz ózi taýysqan, dep jazdy life.ru.
