Bir otbasynyń toǵyz birdeı múshesi órtke ketti
ASTANA. 10 naýryz. QazAqparat - Keshe Perm ólkesinde kúshti órt boldy, dep habarlady Ýtro.rý.
Kóp balaly otbasy, sonyń ishinde ata-analary, jeti bala, bes ul men eki qyz bala qazaǵa ushyrady, onyń eń kishisi tórt jasta.
«Órtte bes bala men eki qyzdyń, sondaı-aq eki eresek adamnyń denesi tabyldy. Aldyn ala málimetter boıynsha, bul bir otbasy músheleri syńaıly. Olar tórt qabatty úıdiń tsokoldik qabatynda turǵan», - dedi Perm ólkesi boıynsha TJ qyzmetiniń ókili.
Bul oqıǵa týraly dabyl órt sóndirýshilerge keshe tańerteń máskeý ýaqytymen 08:15-te kelip túsken. Perm ólkesiniń Kýngýr aýdanyndaǵy Mohovoe selosynda eki bólmeli páter janǵan. Otty aýyzdyqtaýda TJM-nyń 32 qyzmetkeri men bes birlik tehnıka jumyldyrylǵan.
Lifenews.Ru saıtynyń habarlaýynsha, qazaǵa ushyraǵan otbasy kedeıshilikte ómir súrgen. Kórshileriniń aıtýynsha, 1978 jyly týylǵan otaǵasy naýbaıhanada jumys istegen, únemi aqshaǵa taryǵyp otyrǵan, áıeli jumys jasamaǵan, sondyqtan da úı shinde kıkiljiń jıi bolyp turǵan..
«Otbasy ıesi jıi ishimdikke salynǵan jáne kedeılik qamytyna únemi renishte júrgen. Aldyn ala málimetter boıynsha, kezekti ishimdikke salyný kezinde ol páterin órtep jibergen», - dep habarlady jýrnalısterge quqyq qorǵaý ókilderi.
Basylymnyń naqtylaýynsha, otbasynda 13 jasar ul bala tiri qalǵan, ol sol kúni ájesinde túnegen.
