Bir otbasynyń músheleri opyrylǵan kópirge qulap ketti
ASTANA. QazAqparat - Jelide Úndistannyń Bıhar shtatynda tasqyn sý shaıyp ketken kópirmen ótpekshi bolǵan bir otbasynyń qaıǵyly oqıǵasyn beıneleıtin vıdeo paıda boldy, dep habarlaıdy Daily Mail.
Otbasynyń músheleri tasqyn sý shaıyp jatqan kópirden óte bergen kezde, aıaq astynan kópir qulap ketken. Sonyń saldarynan balasy men anasy qaza taýyp, ákesi jardan ustap aman qaldy.
Ókinishtisi asfalt úgitilip, qatty tasqyn sý áıel men sábıdi sýǵa aǵyzyp alyp bara jatqanyn ózge adamdar dármensiz kúıde kórip, esh kómek jasaı almaǵan.
