Bir otbasynyń 3 múshesi janartaý kraterine qulap, mert boldy
ASTANA. QazAqparat - Italııanyń ońtústiginde výlkan kraterine qulaǵan 3 adam qaza tapty. Kóz jumǵandar Nepol aýdany Flegreıskıı dalasyndaǵy janartaý ornyn kórýge kelgen týrındik otbasynyń músheleri, dep habarlaıdy Metro.
Bul aımaqta kóptegen kraterler men janartaý ornalasqan.
Ata-anasy bógetten asyp túsip, janartaý aımaǵyndaǵy tyıym salynǵan aýmaqqa ótip ketken 11 jasar ulyn qýyp jetpekshi bolǵan. Qaıǵyly oqıǵaǵa olardyń ekinshi uly kýáger boldy. Onyń kóz aldynda ata-anasy qulaǵan inisin alyp shyǵý úshin úsh metr bıiktikten jerdiń astyna túsip ketken. Jergilikti BAQ-tyń boljamynsha, úsh adam jerdiń betine bólinip jatqan ýly gazdan ýlanyp ólgen.
Potstsýolo qalasynyń meri týrındik otbasy músheleriniń mert bolý oqıǵasynyń jaı-japsaryn anyqtaıtyn arnaıy komıssııa qurylatyndyǵyn habarlady.
