Bir otbasyny opat etken qylmysker qolǵa tústi

Aǵymdaǵy jyly 5 aqpan kúni Almatynyń Túrksib aýdanyndaǵy jeke menshik úılerdiń birinde aıýandyqpen óltirilgen úsh adamnyń máıiti tabylǵan edi. Tekserý barysynda 55 jastaǵy otaǵasy men onyń 48 jastaǵy áıeli, olardyń 23 jastaǵy qyzy pyshaqtap óltirilgeni anyqtalǵan bolatyn. Ótken kúnderi qalalyq ІІD-i qyzmetkerleri osy atyshýly qylmystyń betin ashyp, 32 jastaǵy qylmyskerdi qolǵa túsirdi. Polıtsııa qyzmetkerleriniń aıtýynsha, qylmysker ekiqabatty úıde aýqatty otbasy turady dep oılap, olardy óltirý arqyly oljaǵa kenelmek bolǵan. Alaıda marqumdar qarapaıym ómir súrgen.

«Bir otbasyly jannyń óli denesi keshki saǵat 5-ter shamasynda tabyldy. Qylmysker otbasy músheleriniń úıinde bolatynyn aldyn-ala josparlaǵany baıqaldy. Tekserý nátıjeleri boıynsha qylmyskerdiń jeke basyn birden anyqtadyq. Buǵan deıin ol birneshe márte sottalǵan, onyń ishinde adam ólimi de bar. Qylmysker óte qatygez áreketter jasaǵan. Tipti tósekte jatqan aýrý áıeldi de aıamaǵan. Bizdiń paıymdaýymyzsha, qylmysker ol úıdi baı januıa dep oılaýy sebep bolǵan. Bul qylmyskerdi ustaý barysynda rastaldy. Qylmysker buǵan deıin sotty bolǵan. Qazirgi kezde ol óz qylmysyn moıyndady. Óziniń aıtýynsha qylmysty júzege asyrýdy birneshe kún boıy josparlaǵan»,- deıdi Almatyqalalyq ІІD-niń krımınaldyq polıtsııa basqarmasynyń bastyǵy, polıtsııa polkovnıgi Amangeldi Shiderqulov.