Bir otbasyn túgel pyshaqtap ketken kúdiktiniń qamaýda ustaý merzimi sozyldy

QARAǴANDY. QazAqparat – Bir otbasyndaǵy úsh adamdy óltirgen jigitke qatysty qylmystyq is áli de tergelip jatyr. Sot kúdiktini qamaýda ústaý týraly sanktsııa merzimin uzartty, dep habarlaıdy QazAqparat tilshisi.

Eske sala keteıik, 13 tamyz kúni saǵat 15:40 shamasynda Qaraǵandy oblysy, Shet aýdany Aǵadyr kentindegi jeke úılerdiń birinen denelerinde pyshaq jaraqattary bar 58 jastaǵy úı ıesimen onyń 59 jastaǵy joldasy jáne 21 jastaǵy qyzynyń máıiti tabylǵan bolatyn.

«Jedel izdestirý is-sharalary barysynda polıtsııa qyzmetkerleri osy iske qatysy bar degen kúdikpen 33 jastaǵy adamdy «izin sýytpaı» ustady. Ol aradaǵy sózge kelispeýshilik barysynda jábirlenýshilerge pyshaq jaraqatyn salǵanyn moıyndady. Kúdikti ýaqytsha ustaý ızolıatoryna qamalǵan bolatyn. Atalǵan fakti boıynsha Qazaqstan Respýblıkasy Qylmystyq Kodeksiniń 99-baby boıynsha qylmystyq is qozǵaldy. Tergeý amaldary aıaqtalmaýyna baılanysty sot kúdiktini qamaýda ustaý merzimin sozdy.

«Kúdiktige qatysty qoldanylǵan «kúzetpen ustaý» bultartpaý sharasy 3 aıǵa sozyldy», - dep málimdedi Qaraǵandy oblystyq sotynda.