«Bir Otan! Bir taǵdyr! Bir Elbasy!» sporttyq buqaralyq aktsııasy barysynda Prezıdenttik testke qatysýshylar marapattaldy

ASTANA. 1 jeltoqsan. QazAqparat -Búgin «Astana-Arena» stadıonynda Memleket basshysy Nursultan Nazarbaevtyń qatysýymen «Bir Otan! Bir taǵdyr! Bir Elbasy!» sporttyq buqaralyq aktsııa ótti.

Atap aıtqanda, bul shara barysynda Prezıdenttik sporttyq testke qatysýshylardy marapattaý rásimi ótti. QR Tuńǵysh Prezıdenti kúni aıasynda Astanada Prezıdenttik test bıylǵy 19 qazan men 16 qarasha aralyǵynda júzý, sekirý, júgirý, dop oıyndary boıynsha qala mektepteriniń 5 ,9, 11 synyptarynyń 17 myń oqýshysy qatysty.

Osy oraıda búgingi Bir Otan! Bir taǵdyr! Bir Elbasy!» sporttyq buqaralyq aktsııasy kezinde atalǵan test boıynsha barlyq normalardy oryndaǵan elorda mektepteriniń 7 oqýshysy marapattaldy. Bul oqýshylarǵa tıisti nagradalaryn Olımpıada chempıony Serik Sápıev tabys etti.

Osy buqaralyq sportty keńinen nesıhattaýǵa arnalǵan shara barysynda Qazaqstannyń estrada juldyzdary ózderiniń kontsertin usyndy.

Aıta keteıik, Prezıdenttik test 1996 jyldan beri turaqty túrde ótkizilip keledi.