Bir ókimge 500 myń teńge - jańaózendik sýdıa paraqorlyq daýǵa ilikti

«Sybaılas jemqorlyqqa qarsy is-qımyl ulttyq bıýrosynyń Mańǵystaý oblysyndaǵy departamenti QR Joǵarǵy soty Іshki qaýipsizdik jáne sybaılas jemqorlyqtyń aldyn alý bólimimen birlesken keshendi arnaıy jedel-izdestirý sharalary men jasyryn tergeý jumystary nátıjesinde Jańaózen qalalyq soty sýdıasynyń paraqorlyq faktisin anyqtady. Laýazymdy tulǵa Jańaózen qalasy ákimdigi Jańaózen jer qatynastary bóliminiń talap qoıýyn qaraýsyz qaldyrý týraly ókim shyǵarý úshin Jańaózen qalasy ákimdiginiń qyzmetkeri arqyly eki azamattan 500 myń teńge para alǵany úshin kúdikti dep tanyldy», - dedi QR Sybaılas jemqorlyqqa qarsy is-qımyl Ulttyq bıýrosynyń baspasóz hatshysy Arman Berdalın elordada ótken brıfıngte.
Ulttyq bıýronyń málimdeýinshe, sýdıaǵa qatysty tergeý jumystary júrip jatyr.