Bir oblystyń alty prokýrory qyzmetinen bosatyldy
BІShKEK. QazAqparat - Qyrǵyzstannyń oblystyq prokýrory Anarbaı Mamajakypov óltirilgen Batken oblysynda alty prokýror qyzmetinen ketti. Bul týraly Qyrǵyzstan Bas prokýratýrasynyń basqarma basshysy Zamır Beıshekeev baspasóz máslıhaty kezinde «Kabar» agenttigine habarlaǵan.
Prokýror atap ótkendeı, qazirgi ýaqytta Batken oblysynda sol kúni ań aýlaýǵa shyqqan prokýrorlardy qyzmettik tergeý aıaqtalǵan.
«Prokýror qyzmetshisiniń ádep normasyn buzyp, ań aýlaýǵa shyqqany jáne spırttik ishimdik ishkeni, ańshylyq erejesin buzǵany, atys qarýyn qoldanǵany úshin, sondaı-aq Kalykovty mas kúıinde avtokólik quralyn júrgizýge ruqsat etkeni úshin Batken oblystyq prokýrorynyń 2 orynbasary, oblystyq prokýratýranyń 2 bólim basshysy, Batken aýdanynyń prokýrory jáne onyń orynbasary qazirgi qyzmetterinen bosatyldy jáne qyzmetteri tómendetildi.
Eske salaıyq, oblystyq prokýror Anarbaı Mamajakypovtyń máıiti 18 qarashada Batkennen tabylǵan. Onyń denesinde zorlyqpen óltirý belgileri bolǵan. Kúdikti retinde Kúrdeli qurylys basqarmasynyń basshysy Melıs Kalykov ustaldy. 20 qarashada sottyń sheshimimen ol 2 aıǵa qamaldy.
