Bir muǵalim – bir kamera: Bıyl muǵalimder ulttyq testileýden qalaı ótedi
NUR-SULTAN. QazAqparat - Bıyl muǵalimderdiń ulttyq biliktilik testileýi «Bir muǵalim – bir kamera» qaǵıdasy boıynsha ótedi. Bul týraly Ulttyq testileý ortalyǵynyń dırektory Dıdar Smaǵulov málim etti, dep habarlaıdy QazAqparat tilshisi.
«Testileý qaǵaz túrinen kompıýterge kóshti. Osylaısha test barysyn odan ary jiti baqylaýǵa múmkindik týyp otyr. ıAǵnı ótken jylda 100 adam otyratyn bir aýdıtorııada 3-4 kamera bolsa, qazirgi qaǵıda - «bir adam – bir kamera». Osy format baqylaýdy kúsheıtýge óte zor múmkindik beredi», - dedi Dıdar Smaǵulov onlaın baspasóz máslıhatynda.
Onyń aıtýynsha, 2019 jyly mamyr aıynda ótken ulttyq biliktilik testileý kezinde tyıym salynǵan 20 412 zat tabylǵan.
«Al qarasha aıynda jańa formatta ótken testileýde tek 750 tyıym salynǵan zat anyqtaldy. ıAǵnı bul jaǵdaı birneshe ese qysqardy. Sonymen birge bizdiń jumysymyzdyń ashyqtyǵyn nyǵaıtý úshin arnaıy monıtorıg toby jasaqtaldy. Sybaılas jemqorlyq agenttigimen qurylǵan arnaıy monıtorıng toby árqashan bizben birge testileýdi baqylaıdy», - dedi ol.
Aıta keteıik, buǵan deıin Sholpan Qarınova bıyl ulttyq biliktilik testileýden 160 myńnan astam muǵalim ótetinin habarlaǵan bolatyn. Testileýden ótken muǵalimderdiń jalaqysy 1 qyrkúıekten bastap kóteriledi.
