Bir mln teńgelik gaýhartasty urlaǵan áıel ustaldy
Polıtsııaǵa dúken dırektory aryzdanyp, Ǵabdýllın kóshesindegi zergerlik dúkeninen belgisiz bireý quny 1 mln teńgeden asatyn gaýhar tasty urlap ketkenin aıtqan.
«Jedel-izdestirý is-sharalaryn júrgizý jáne qylmys jasaý perımetrinde ornatylǵan beınebaqylaý kameralaryn qaraý barysynda kúdikti anyqtaldy. Ol 49 jastaǵy qala turǵyny bolyp shyqty. Áıeldiń zergerlik dúkenge jıi keletini jáne buryn birneshe ret úlken somaǵa zat satyp alǵandyǵy belgili boldy. Kúdikti keshki saǵat 17.45-te zergerlik dúkenge kirip, satýshynyń basqa klıentterge qyzmet kórsetkenin paıdalanyp, qymbat jıyntyqty urlap, qylmys ornynan boı tasalaǵan», - dep jazdy qalalyq polıtsııa departamentiniń baspasóz qyzmeti.
Ustalǵan azamat kinásin moıyndady, zattaı aıǵaq tárkilendi. Atalǵan derek boıynsha «Urlyq» babymen sotqa deıingi tergeý júrgizilip, onyń elorda aýmaǵynda jasalǵan basqa da uqsas qylmystarǵa qatystylyǵy tekserilýde.