Bir mln almatylyq COVID-19 vaktsınasymen qamtylmaq
ALMATY. QazAqparat - Kem degende bir mln almatylyqqa koronavırýsqa qarsy vaktsına egý josparlanyp otyr. Bul týraly Almaty qalalyq qoǵamdyq densaýlyq saqtaý basqarmasynyń bastyǵy Narıman Tabynbaev aıtty, dep habarlaıdy QazAqparat tilshisi.
«Búginde Almatyda 2 mln astam turǵyn bar. Qalanyń kem degende bir mln turǵynyna vaktsına egý josparlanyp otyr. Birinshi kezeńde jappaı vaktsınatsııaǵa daıyndalý úshin egý pýnkteriniń qajetti sany esepteldi. Vaktsınatsııalaý núkteleriniń turaqty ósýi baıqalady. Aqpan aıynyń basynda bizde 35 egý pýnkti bolǵan. Búgingi kúni onyń sany 182 jetti «, - dedi Narıman Tabynbaev OKQ brıfınginde.
Buǵan deıin, Almatyda koronavırýsqa qarsy vaktsına saldyrýdyń algorıtmi túsindirilgen bolatyn.
Sonymen qatar, sáýir aıynyń sońyna deıin Almatyǵa 400 myńǵa jýyq vaktsına jetkizý josparda.
