Bir mıllıonnan astam parıjdyq bir jynystylardyń nekesine qarsy sherýge shyqty
ASTANA. 26 naýryz. QazAqparat - Frantsııa astanasynda 1 mln. 400 myńǵa jýyq adam bir jynystylardyń nekesin zańdastyrýǵa qarsy narazylyq sharasyn ótkizdi.
Bul jaıynda ITAR-TASS habar taratty. Eldiń narazylyǵyn týdyrǵan zań jobasy olardyń neke qııýyna ǵana ruqsat berip qoımaı, bala asyrap alýyna da múmkindik beredi.
muslim.kz saıtynyń jazýynsha, sherýge shyqqandar el prezıdenti Fransýa Ollandtan qoǵamdy ishten iritetin zań jobasyna tyıym salýdy talap etti. Narazylyq sharasyna oppozıtsııanyń jáne qoǵamdyq uıymdardyń kórnekti ókilderi de qatysty. Olar dástúrli otbasyn jaqtap, óz pikirlerin bildirdi. Belsendiler bul máseleni referendým arqyly sheshýdi alǵa tartyp otyr.
Frantsııada bir jynystylardyń nekesine qarsy mundaı narazylyq sharasy birinshi ret ótip otyrǵan joq. Osynyń aldynda, 13 qańtar kúni Eıfel munarasynyń túbinde ótken atalmysh zań jobasyna qatysty narazylyq aktsııasyna 1 mıllıonǵa jýyq adam qatysqan bolatyn.
Jurttyń bir emes, birneshe ret sherýge shyqqanyna, narazylyq tanytqanyna qaramastan el bıligi oılaǵanyn iske asyrmaı tynbaıtyn sekildi. Olaı deıtinimiz, Frantsııanyń Ádilet mınıstri Krıstıan Tobıra atalmysh zań jobasynyń jaz mezgilinde kúshine enetinin málimdedi.
12 aqpan kúni bul zań jobasyn Ulttyq jınalystyń tómengi palatasy kópshilik daýyspen maquldaǵan edi. Endigi kezek - senatta.
