Bir mektepte 16 jup egiz oqıdy
ASTANA. 19 mamyr. QazAqparat - AQSh-tyń Aıova shtatyndaǵy bir orta mektepte on alty jup egizder oqıdy. Árıne, bul - mektep úshin qýanysh, úlken mártebe.
USA Todaydyń jazýynsha, bul mektep osy egizderdiń arqasynda Gınnester kitabyna da enipti. Bul týraly Jas Alash gazeti jazdy.
West Des Moines mektebiniń basshylyǵy alǵashynda 9-synypqa qujat tapsyrǵan oqýshylardyń ishinde famılııalary da, týǵan kúnderiniń aı-kúni de, ákesiniń, anasynyń attary da, mekenjaılary da bir oqýshylardy kórip tańǵalady. Artynan bulardyń egizder ekenin biledi.
Áıtse de egizderdiń ózderi syńarlarymen bir mektepte oqıtyndaryna kóńilderi tolmaıdy. Máselen, 14 jasar Sem men Anna Fraıheıdjderdiń aıtýynsha, olar bir mektepte oqyǵandy unatpaıdy. "Aǵylshyn sabaǵyna barǵanda Sem úshkir qaryndashpen túrtip jiberip, meniń arqamdy aýyrtyp tastady", - dep shaǵynady Anna.
2009-10 jyldary Konnektıkýt shtatynyń bir mektebinde 13 jup egizder oqyǵan eken. Árıne, budan keıingi rekord - West Des Moines mektebinde.
