Bir mandatty aýmaqtyq saılaý okrýgi boıynsha úlken tartys bolady - Alýa Joldybalına
Mundaı pikirdi KISI GPS: Gylym. Pikir. Sayasat» Ulttyq saraptama alańynyń otyrysynda QR Prezıdenti janyndaǵy Qazaqstannyń strategııalyq zertteýler ınstıtýty dırektorynyń orynbasary Alýa Joldybalına aıtty, dep habarlaıdy QazAqparat tilshisi.
Almatyda KISI GPS: Gylym. Pikir. Sayasat Ulttyq saraptama alańynyń otyrysy ótip jatyr.
Sharaǵa sarapshylar, saıasattanýshylar, ǵalymdar, QR Prezıdenti janyndaǵy Qazaqstannyń strategııalyq zertteýler ınstıtýtynyń qyzmetkerleri men Qyrǵyzstannyń ulttyq zertteýler ınstıtýtynyń mamandary qatysyp jatyr.
«Búgin biz aralas saılaý júıesin talqylap jatyrmyz. Bıyl QR Parlamenti Májilisi men barlyq deńgeıdegi máslıhat depýtattarynyń saılaýy aralas saılaý júıesimen júzege asady. Onyń ózindik ereksheligi, artyqshylyǵy jáne qıynshylyǵy bar. Bul tájirbıeni Qyrǵyzstan memleketi kóp jyldan beri qoldanyp keledi. Sondyqtan biz áriptesterimizben osy taqyrypty keńinen talqyladyq. Jalpy, álemniń kóptegen memleketteri, Parlamenttik respýblıkalardyń kóbi aralas saılaý júıesin qoldanady. Onyń ózindik tıimdiligi bar. Ásirese, aımaqtar úshin. Sebebi, aımaqtan óziniń ókili bolady. Bul saıası partııalardyń da básekelestigin arttyryp, jumysyn jandandyrýǵa jáne aımaqtardyń ókili retinde jumys isteýge múmkindik beredi»,- deıdi Alýa Joldybalına.
Sonymen qatar, spıker 29 depýtat bir mandatty saılaý okrýgteri boıynsha saılanatynyn eske saldy.
«Bir mandattyq okrýgter boıynsha barlyǵy 609 kandıdat usynyldy. Olardyń bárimen jeke-jeke jumys isteý múmkin emes. ıAǵnı bul jerde kandıdattardyń óz erkinde. Zań sheńberinde úgit - nasıhat jumystaryn júrgizedi. Partııalardyń tiziminde azyraq - 283. Sondyqtan bir mandattyq aýmaqtyq okrýgtiń ishinde úlken básekelestik, tartys bolady. Ásirese, Astana, Almaty qalalary men Aqtóbe, Atyraý, Almaty oblystarynda ózin ózi usynǵan kandıdattardyń sany óte kóp. Sondyqtan bir mandattyq aýmaqtyq okrýgtiń ishinde qyzý tartys bolady, árkim óz baǵdarlamasyn usynǵandyqtan báseke de qyzady»,- deıdi spıker.
Aıtýynsha, aldaǵy saılaý máslıhatqa úlken ózgeris ákeledi.
«Sebebi, aýdanǵa ótken depýtat óziniń jumysyn tolyqqandy atqara almasa, saılaýshylar ózderiniń shaǵymdaryn bere otyryp depýtat mandatyn keri qaıtara alady. Oblysta da solaı. Bul óte tıimdi mehanız. Bul qoǵam tarapynan baqylaý mehanızmi» - dep atap ótti QR Prezıdenti janyndaǵy Qazaqstannyń strategııalyq zertteýler ınstıtýty dırektorynyń orynbasary Alýa Joldybalına.
Aıta ketsek, Májilis depýtattaryn kezekten tys saılaý 19 naýryzǵa belgilendi.
