Bir mandatty 104 kandıdatqa saılaý jarnasy qaıtarylady

ASTANA. QazAqparat – Bir mandatty okrýgter boıynsha saıası dodaǵa túsken 370 kandıdattyń 104-ine saılaý jarnasy qaıtarylady. Bul týraly Ortalyq saılaý komıssııasynyń múshesi Sábıla Mustafına málimdedi, dep habarlaıdy QazAqparat tilshisi.

«Bir mandatty okrýgter boıynsha Májilis saılaýyna qatysqan 370 kandıdattyń 104-ine saılaý jarnasy qaıtarylady. Qalǵan 266 úmitker 5%-dan az daýys jınady. Saılaý jarnasy eki partııaǵa da qaıtarylady. Olar – Jalpyulttyq sotsıal-demokratııalyq partııasy men Respublica partııasy. Al «Baıtaq» jasyldar partııasy mejeli daýysty jınaı almady. Qalǵan partııalar Konstıtýtsııalyq zańnyń 88-babyna sáıkes, saılaý jarnasyn engizbedi. Óıtkeni, olar buryn Májilis saılaýyna qatysqan jáne 5 nemese odan da kóp paıyz daýys jınaǵan. Sondyqtan olar saılaý jarnasyn tólemeıdi», - dedi ol.

Aıta keteıik, bir mandatty okrýgter boıynsha Májilistiń mandatyna úmitkerler 1 mln 50 myń teńge mólsherinde saılaý jarnasyn tóleýi tıis.