Bir laık - bir soqqy: Qyzǵanshaq erkek áıelin ólimshi etip sabady
ASTANA. QazAqparat - Paragvaılyq Adolfına Kamellı Ortıgoza Facebook jelisindegi árbir laık úshin kúıeýinen taıaq jep otyrǵan. Qaıyn atasy polıtsııaǵa habarlaspaǵanda jas kelinshek o dúnıelik bolyp ketetin edi, dep habarlaıdy QazAqparatParaguay.com saıtyna silteme jasap.
32 jastaǵy Pedro Herıberto Galano 21 jastaǵy áıelin kúshtep úıde ustady. Al áleýmettik jelidegi laıkty kórgen saıyn judyryq ala júgirip, áıelin soqqynyń astyna alyp otyrǵan. Advokattyń aıtýynsha, Pedro áıelin posttaryna laık qoıǵan árbir erkekten qyzǵanyp, kelinshegi opasyzdyq jasady dep oılaǵan.
Polıtsııaǵa Pedronyń óz ákesi habar beripti. Ol balasynyń áreketi jaıynda estip, kelin balasy úshin alańdady. Tártip saqshylary kelgende Adolfınanyń jaq súıegi synyp, beti kók ala qoıdaı boldy. Búkil denesi kógerip ketken. Onyń murny men ernine shuǵyl ota jasaýǵa týra keldi.
Al Galano qamaýǵa alyndy. Ol 30 jylǵa deıin bas bostandyǵynan aıyrylýy múmkin.
