Bir qyzmetkerdiń ortasha aılyq ataýly jalaqysy 109 970 teńgeni qurady - QR Statıstıka agenttigi
ASTANA. 16 shilde. QazAqparat - 2013 jylǵy maýsymda bir qyzmetkerdiń ortasha aılyq ataýly jalaqysy 109 970 teńgeni qurady. Ataýly jalaqy ındeksi 2012 jylǵy maýsymǵa 104,8 paıyzdy, al naqty jalaqy ındeksi 99,0 paıyzdy qurady. Bul týraly búgin QR Statıstıka agenttiginen habarlandy.
- Salalyq qurylymda eń úlken jalaqy kásibı, ǵylymı jáne tehnıkalyq qyzmette - 199,4 myń teńge, ken óndirý ónerkásibi men karerlerdi qazýda - 197,7 myń teńge (ortasha respýblıkalyq deńgeıden 1,8 esege asady) jáne qarjy jáne saqtandyrý qyzmetinde - 185,7 myń teńge kóleminde (1,7 ese) belgilendi. Eń tómengi jalaqy aýyl, orman jáne balyq sharýashylyǵy qyzmetkerlerinde belgilendi - 61,5 myń teńge, bul el boıynsha orta kórsetkishten 44,1 paıyzǵa tómen.
- Óńirlik bóliniste eń joǵarǵy jalaqy Atyraý oblysynda tirkeldi- 186,8 myń teńge, bul ortasha respýblıkalyq kórsetkishten 1,7 esege asady. Soltústik Qazaqstan oblysynda munyń shamasy 77,1 myń teńgeni qurady, bul el boıynsha ortasha deńgeıden 29,9 paıyzǵa tómen.
