Bir kúrteshe baǵasy - 1 mln 670 myń teńge: Qyzylorda oblystyq bilim basqarmasy túsinikteme berdi
Áleýmettik jeliler men ınternet portaldarda memlekettik satyp alýǵa baılanysty óte qymbatqa baǵalanǵan kúrteshe men sútke baılanysty aqparat keńinen taraǵan bolatyn.
Sybaılas jemqorlyqqa qarsy is-qımyl agenttiginiń Qyzylorda oblysy boıynsha departamenti memlekettik satyp alýda bir lıtr sútti 14,5 mln teńgege baǵalanǵan
keleńsizdikti anyqtaǵan edi.
Oblystyq bilim basqarmasy atalǵan máselege qatysty tıisti zerdeleý jumystaryn júrgizdi.
«Nátıjesinde josparlanǵan jumystar boıynsha Shıeli aýdandyq bilim bólimi 14 mln 577 myń teńgeni súttiń 1 lıtrine emes 1 lotqa kórsetken. ıAǵnı, atalǵan qarjy 1 jyldyq somasyna qarastyrylǵan. Negizinde «tabıǵı sút» lotynyń bir lıtri qosymsha qun salyǵymen 223,21, qosymsha qun salyǵynsyz 199,29 teńge bolyp belgilenýi josparlanǵan.
Al, Qarmaqshy aýdany bilim bóliminiń №275 orta mektebi memlekettik satyp alý portalynda jyldyq jospardy ornalastyrý kezinde tehnıkalyq qatelik jibergen. ıAǵnı, 1 kúrtesheniń baǵasy 16 701,43 teńgeden bolý qajet edi. Alaıda ol útirsiz 1 mln 670 myń 14 teńge kórsetilgeni anyqtaldy. Barlyq derekter boıynsha tıisti sharalar qabyldanyp, bólingen qarjyǵa sáıkestendirildi. Bul jerde negizsiz baǵany kóterý deregi oryn almaǵan», - dedi oblystyq bilim basqarmasynyń basshysy Aqzıra Qasymova.
Vedomstvo málimetinshe, bul tek josparlanǵan jumystar bolǵan. Barlyq lottar boıynsha eshqandaı da memlekettik satyp alýlar júrgizilmegen. Atalǵan lottar boıynsha kórsetilgen qarjy bólinbegen.
