Bir kúnde jeti adam ystan ýlandy- TJK
ASTANA. QazAqparat - Elimizde 23 aqpan kúni 7 adam ys tıip, zardap shekken, dep habarlaıdy QazAqparat tilshisi QR ІІM TJK baspasóz qyzmetine silteme jasap.
Komıtetten habarlanǵandaı, Qaraǵandy oblysynyń Jezqazǵan qalasynda peshtiń jóndelmeýi saldarynan qatty otyn janbaı qalyp, 2007 jyly týǵan bala ys tıip, aýrýhanaǵa túsken. Sol sekildi Shyǵys Qazaqstan oblysynyń Shemonaıha qalasyndaǵy eki qabatty turǵyn úıde jóndelmegen peshtegi ottyń saldarynan 2015 jáne 2018 jyly týǵan balalar ys tıip, aýrýhanaǵa jetkizilgen. Osyndaı jaǵdaı Semeı qalasyndaǵy Jastyq aýdanynda tirkelip, 2001 jylǵy qyz bala zardap shekken. Al Qyzylorda qalasyndaǵy Mahambet aýylyndaǵy jeke turǵyn úıde 1993 jylǵy boıjetken men 2017, 2019 jylǵy balalar ys tıip, aýrýhanaǵa túsken.
«Barlyq jaǵdaıda tútinniń shyǵýyna arnalǵan orynnyń tazalanbaýy sebep bolyp otyr», - deıdi komıtetten.
Aıta ketsek, respýblıkalyq barlyq óńirlerinde qazirgi ýaqytta tótenshe jaǵdaı qyzmetiniń mamandary qaýiptiń aldyn alý sharalaryn júrgizip jatyr. Máselen, keshe ǵana senbi kúngi demalysta Astana qalasynyń tótenshe jaǵdaılar departamentiniń qyzmetkerleri elordanyń jeke turǵyn úı sektorynda aýqymdy reıd júrgizdi. Mamandar eń aldymen astanalyqtarǵa órt pen ystan qalaı qorǵaný kerektigin túsindirip jatyr. Onyń ústine, kemshilikter qansha anyqtalyp jatsa da, departament qyzmetkerleri jazalaýdy kózdep otyrmaǵanyn aıta ketý kerek.
Órt pen ys qaýpiniń aldyn alý úshin mamandar birshama mańyzdy keńesterdi eskerý kerektigin aıtady.
